മലപ്പുറത്തുകാരിയായ തൃശൂര് ജില്ലാ കലക്ടര് അനുപമയെ സ്ഥാനത്ത് നിന്നും മാറ്റി
മലപ്പുറം: തൃശൂര് ജില്ലാ കലക്ടറായിരുന്ന മലപ്പുറത്തുകാരി ടി.വി അനുപമയെ സ്ഥാനത്ത് നിന്നും മാറ്റി. ത്യശൂര് ജില്ലാ കലക്ടറായി സി.ഷാനവാസിനെ നിയമിക്കാന് ഇന്ന് ചേര്ന്ന മന്ത്രിസഭാ യോഗത്തിന്റെ തീരുമാനം. മലപ്പുറം ചങ്ങരംകുളം സ്വദേശി അനുപമ അവധിക്ക് അപേക്ഷ നല്കിയ സാഹചര്യത്തിലാണ് ഷാനവാസിനെ തൃശൂരില് നിയമിക്കുന്നത്. ചുരുങ്ങിയ സമയം കൊണ്ട് കേരളത്തിന്റെ തന്നെ പ്രിയം പിടിച്ചുപറ്റിയ ഐഎഎസ് ഉദ്യോഗസ്ഥയാണ് അനുപമ. തൃശൂരുകാരുടെ പ്രിയ കലക്ടര് എന്ന പേര് അനുപമ ഉറച്ച നിലപാടുകളിലൂടെ വേഗം സ്വന്തമാക്കി. സ്ഥാനമൊഴിഞ്ഞ ശേഷം തുടര് പരിശീലനത്തിനായി അനുപമ മുസോറിയിലെ ദേശീയ അക്കാദമിയിലേക്ക്
കഴിഞ്ഞ വര്ഷം ജൂണിലാണ് തൃശൂര് ജില്ലാ കലക്ടറായി അനുപമ ചുമതലയേറ്റെടുത്തത്. അതിന് മുന്പ് ആലപ്പുഴ ജില്ലാ കലക്ടറായിരുന്നു. വിട്ടുവീഴ്ചയില്ലാത്ത നടപടികള് എടുത്ത് ജനകീയയായ ഉദ്യോഗസ്ഥയാണ് അനുപമ. ആലപ്പുഴയില് ഇരുന്നപ്പോള് മുന് മന്ത്രി തോമസ് ചാണ്ടിക്കെതിരായി നടത്തിയ പോരാട്ടം അനുപമയെ കേരളത്തിന്റെ ശ്രദ്ധയില് എത്തിച്ചു.തൊട്ടുപിന്നാലെ തൃശൂരിലേക്ക് മാറ്റിയിട്ടും അവിടെയും ജനകീയ കലക്ടര് എന്ന പദവിയും അവര് സ്വന്തമാക്കി. പ്രളയം വന്നപ്പോള് ജനത്തിനൊപ്പം ഇറങ്ങി പ്രവര്ത്തിക്കാനും കൃത്യമായി കാര്യങ്ങള് കയ്യടക്കത്തോടെ ചെയ്യാനും അനുപമ മിടുക്ക് കാട്ടി. അവസാനം തൃശൂര് പൂരവും തെച്ചിക്കോട്ടുകാവ് രാമചന്ദ്രനുമടക്കമുള്ള വിവാദങ്ങളിലും അനുപമയുടെ നിലപാടുകള് ചര്ച്ചയായിരുന്നു. തിരഞ്ഞെടുപ്പ് സമയത്തും കലക്ടര് സജീവശ്രദ്ധ നേടി. നവോത്ഥാനസമിതി സംഘടിപ്പിച്ച വനിതാ മതിലില് അനുപമ പങ്കെടുത്തതും വലിയ വാര്ത്തയായിരുന്നു.
RECENT NEWS
വിവാഹാഭ്യർഥന നിരസിച്ച യുവതിയെ മലപ്പുറം നഗരമധ്യത്തിൽ കുത്തി പരിക്കേൽപിച്ചു യുവാവ്
മലപ്പുറം: വിവാഹാഭ്യര്ത്ഥന നിരസിച്ചതിന് യുവതിയെ യുവാവ് കുത്തിപ്പരിക്കേല്പ്പിച്ചു. ഇന്ന് രാവിലെ 9.15ന് മലപ്പുറം പെന്ഷന് ഭവന് റോഡിലാണ് ആക്രമണം നടന്നത്. സംഭവ ശേഷം ബൈക്കില് രക്ഷപ്പെട്ട പ്രതിയായ പാലക്കാട് നല്ലേപ്പിള്ളി സ്വദേശി 25കാരനായ അശ്വിനായി [...]
