നിലമ്പൂര് എംഎല്എ സ്ഥാനം രാജിവക്കുമെന്ന് ആരും മനപ്പായസമുണ്ണേണ്ടെന്ന് പി.വി.അന്വര്
മലപ്പുറം:പൊന്നാനിയില് തോല്വി മണത്തതോടെ നിലമ്പൂരിലെ എംഎല്എ സ്ഥാനം രാജിവക്കുമെന്ന് ആരും മനപ്പായസമുണ്ണേണ്ടെന്ന പ്രഖ്യാപനവുമായി എല്.ഡി.എഫ് സ്ഥാനാര്ഥി പി.വി അന്വര് രംഗത്ത്. നിലമ്പൂരിലെ വോട്ടര്മാരോട് തനിക്ക് കടപ്പാടുണ്ടെന്നും അന്വര് വ്യക്തമാക്കി. ലോക്സഭ തെരഞ്ഞെടുപ്പില് പൊന്നാനി മണ്ഡലത്തില് പരാജയപ്പെട്ടാല് എംഎല്എ സ്ഥാനം രാജിവെക്കുമെന്നും പൊതു പ്രവര്ത്തനം അവസാനിപ്പിക്കുമെന്നും നേരത്തെ പി.വി അന്വര് പറഞ്ഞിരുന്നു.
സിപിഎമ്മുമായി അകല്ച്ചയിലാണന്നും മുന്നണി വിടാന് സാധ്യതയുണ്ടെന്നുമുള്ള അഭ്യൂഹങ്ങള് അസംബന്ധമാണെന്നു പി.വി അന്വര്. തന്നെ മല്സരിപ്പിച്ച് എംഎല്എ ആക്കിയത് സിപിഎം ആണ്. എക്കാലവും സിപിഎം സഹയാത്രികനായിരിക്കും. നിലമ്പൂര് എംഎല്എ സ്ഥാനം രാജിവക്കുമെന്ന് ആരും മനപ്പായസമുണ്ണേണ്ടെന്നും അന്വര് പറഞ്ഞു.
വോട്ട് പെട്ടിയിലായതോടെ കൂട്ടിയും കുറച്ചും സാഹചര്യങ്ങള് വിലയിരുത്തുകയാണ് രാഷ്ട്രീയ പാര്ട്ടികളും സ്ഥാനാര്ത്ഥികളും. ബൂത്ത് തലങ്ങളിലെ റിപ്പോര്ട്ട് തിരഞ്ഞെടുപ്പ് ദിവസം രാത്രി തന്നെ തയ്യാറാക്കി മണ്ഡലം കമ്മിറ്റികള്ക്ക് കൈമാറിയിട്ടുണ്ട്. കഴിഞ്ഞ തവണത്തെ അപേക്ഷിച്ച് ജില്ലയില് പോളിംഗ് ശതമാനം ഉയര്ന്നിട്ടുണ്ട്. അവസാന കണക്ക് പ്രകാരംമലപ്പുറത്ത് 75.37ഉം പൊന്നാനിയില് 74.98 ശതമാനവുമാണ്. പോളിംഗ് ഉയര്ന്നത് തുണയാകുമെന്ന കണക്കുകൂട്ടലിലാണ് മുസ്ലിം ലീഗ്. വെല്ഫെയര് പാര്ട്ടിയുടെ പിന്തുണയടക്കം പ്രതീക്ഷിക്കാത്ത കോണുകളില് നിന്ന് അനുകൂലമായി സമീപനമുണ്ടായതും വിവിധ സാമുദായിക സംഘടനകളുടെ വോട്ടുകളുടെ ഏകീകരണവും അനുകൂലഘടകങ്ങളായി ലീഗ് വിലയിരുത്തുന്നു.
ബൂത്ത് തലങ്ങളില് നിന്ന് മണ്ഡലം കമ്മിറ്റികള്ക്ക് കൈമാറിയ റിപ്പോര്ട്ടിന്റെ അവലോകന യോഗം ലീഗ് ജില്ലാ കമ്മിറ്റി
ഓഫീസില് ചേര്ന്നും.കടുത്ത മത്സരം അരങ്ങേറിയ പൊന്നാനിയില് ഇ.ടി. മുഹമ്മദ് ബഷീറിന് 40,000മുതല് 90,000വരെ ഭൂരിപക്ഷം ലഭിക്കുമെന്നാണ് ലീഗിന്റെ പ്രാഥമിക വിലയിരുത്തല്. തുടക്കത്തിലുണ്ടായ വിവാദങ്ങളെല്ലാം കെട്ടടങ്ങിയതും അവസാനനിമിഷം ഇടതുക്യാമ്പിലുണ്ടായ അസ്വാരസ്യങ്ങളും തുണയ്ക്കുമെന്ന് ലീഗ് വിലയിരുത്തുന്നു. കാര്യമായ പ്രതികൂല ഘടകങ്ങളൊന്നുമില്ലാതിരുന്നതും
പോളിംഗ് വര്ദ്ധിച്ചതും ശുഭ സൂചനയായാണ് കാണുന്നത്. താനൂരിലെ ഉയര്ന്ന പോളിംഗ് സഹായിക്കുമെന്നും നിയമസഭ തിരഞ്ഞെടുപ്പിലെ തെറ്റ് തിരുത്തി മണ്ഡലം യഥാര്ത്ഥ രാഷ്ര്ടീയ വിധി എഴുതിയത് ഇപ്പോഴാണെന്നും ലീഗ് ജില്ലാ സെക്രട്ടറി
ഉമ്മര് അറയ്ക്കല് പറഞ്ഞു. നേരിയ മുന്തൂക്കമെങ്കിലും മണ്ഡലത്തിലുണ്ടാവുമെന്നാണ് പ്രാദേശിക നേതാക്കളുടെയും വിലയിരുത്തല്. ഇ.ടി
മുഹമ്മദ് ബഷീറിന് വലിയ ലീഡ് ലക്ഷ്യമിട്ട കോട്ടയ്ക്കല്, തിരൂരങ്ങാടി, തിരൂര് മണ്ഡലങ്ങളിലെ ഉയര്ന്ന പോളിംഗും ലീഗിന്റെ പ്രതീക്ഷ
വര്ദ്ധിപ്പിക്കുന്നു. സ്ഥാനാര്ത്ഥി നിര്ണ്ണയത്തെ ചൊല്ലി സി.പി.എം പ്രാദേശിക നേതൃത്വത്തിനിടയില് ഉയര്ന്ന പ്രതിഷേധം അവസാന നിമിഷം വീണ്ടും തലപൊക്കിയതും പ്രവര്ത്തകരുടെ അസാന്നിദ്ധ്യവും തുണയ്ക്കുമെന്ന് ലീഗ് കരുതുന്നു. മലപ്പുറം ലോക്സഭ മണ്ഡലത്തിലുള്പ്പെട്ട കൊണ്ടോട്ടിയിലെ ഉയര്ന്ന പോളിംഗ് മുന്നണി ബന്ധം ശക്തമാകുന്നതിന്റെ തെളിവായും വിലയിരുത്തുന്നുണ്ട്.
പഞ്ചായത്ത്, മുനിസിപ്പല് തിരഞ്ഞെടുപ്പുകളില് ഇവിടം യു.ഡി.എഫ് ബന്ധം പാടെ തകര്ന്നിരുന്നു. കഴിഞ്ഞ ലോക്സഭ ഉപതിരഞ്ഞെടുപ്പ് സമയത്ത് മുന്നണി ബന്ധം മെച്ചപ്പെട്ടിരുന്നെങ്കിലും നിലവിലെ പോളിംഗിന് അടുത്തെത്തിയിരുന്നില്ല. മലപ്പുറത്ത് രണ്ട് ലക്ഷം ഭൂരിപക്ഷം ലഭിക്കുമെന്നാണ് ലീഗിന്റെ അവകാശവാദം. സ്ഥിരമായി ഇടതനുകൂല രാഷ്ര്ടീയ നിലപാടുകള് സ്വീകരിച്ചവര് താത്ക്കാലികമായി
മാറ്റിചിന്തിച്ചതും ശബരിമല ആചാരസംരക്ഷണത്തില് വിശ്വാസികളുടെ വികാരവും സി.പി.എമ്മിന്റെ അക്രമ രാഷ്ര്ടീയവും ലീഗ് വിരുദ്ധ നിലപാട് സ്വീകരിക്കുന്ന വെല്ഫെയര് പാര്ട്ടിയുടെ നിലപാടുമെല്ലാം ഇതിന് തുണയാകുമെന്ന് ലിഗ്
വിലയിരുത്തുന്നു. ഇടതിന് വേരോട്ടമുള്ള പെരിന്തല്മണ്ണ, മങ്കട നിയോജക
മണ്ഡലങ്ങളില് പ്രചാരണത്തില് ഇടതിനൊപ്പം തന്നെയെത്താനായതിനാല് ഇവിടങ്ങളിലെഉയര്ന്ന പോളിംഗ് പ്രതികൂലമാവില്ലെന്നും ലീഗ് കണക്കുകൂട്ടുന്നു.
പൊന്നാനിയില് ആകെ പോള് ചെയ്തതിന്റെ രണ്ടോ മൂന്നോ ശതമാനം വോട്ടിന്
ഇടതുസ്വതന്ത്രന് പി.വി. അന്വര് വിജയിക്കുമെന്നാണ് ഇടതുകേന്ദ്രങ്ങളുടെ
വിലയിരുത്തല്. പതിനായിരത്തില് താഴെ വോട്ടിന്റെ ഭൂരിപക്ഷം ലഭിക്കുമെന്ന് വി.
അബ്ദുറഹ്മാന് എം.എല്.എ പറഞ്ഞു. നേരത്തെ ഇ.ടിയുടെ ഭൂരിപക്ഷം മറികടക്കുന്ന
വിജയമുണ്ടാവുമെന്നായിരുന്നു ഇടതുനേതാക്കള് ആത്മവിശ്വാസം
പ്രകടിപ്പിച്ചിരുന്നത്. ഇടതുശക്തി കേന്ദ്രങ്ങളായ തവനൂരിലും
പൊന്നാനിയിലും പോളിംഗ് താരതമ്യേന കുറഞ്ഞിട്ടുണ്ട്. താനൂരിലെ ഉയര്ന്ന
പോളിംഗ് ആരെ തുണയ്ക്കുമെന്നത് സംബന്ധിച്ചും ആശങ്കയുണ്ട്. അടിയൊഴുക്കുകള്
അട്ടിമറി വിജയത്തിലേക്കെത്തിക്കുമെന്ന ആത്മവിശ്വാസമാണ് ഇടതുനേതാക്കള്
പ്രകടിപ്പിക്കുന്നത്.
മലപ്പുറത്ത് വിജയപ്രതീക്ഷയില്ലെങ്കിലും കുഞ്ഞാലിക്കുട്ടിയുടെ ഭൂരിപക്ഷം കുറക്കാനാകുമെന്നാണ് പി.വി. സാനുവിന്റെ ആത്മവിശ്വാസം. ഇടതിന് വേരോട്ടമുള്ള പെരിന്തല്മണ്ണ, മങ്കട, വള്ളിക്കുന്ന് മണ്ഡലങ്ങളില് പോളിംഗ് ഉയര്ന്നത് തുണയ്ക്കുമെന്നും കഴിഞ്ഞ തവണത്തേക്കാള് മികച്ച പ്രകടനമുണ്ടാവുമെന്നും തിരഞ്ഞെടുപ്പ് കമ്മിറ്റി കണ്വീനര് പി.പി. വാസുദേവന് പറഞ്ഞു. ഇരുമണ്ഡലങ്ങളിലും പതിവില് കവിഞ്ഞ ഓളമുണ്ടാക്കാന് കഴിഞ്ഞെന്ന ആത്മവിശ്വാസത്തിലാണ് ഇടതുകേന്ദ്രങ്ങള്. ബൂത്ത്തലങ്ങളില് നിന്ന് കിട്ടിയ കണക്കുകള് മണ്ഡലം തലത്തില് ഇതിനകം തന്നെ വിലയിരുത്തിയിട്ടുണ്ട്. അതേ സമയം ഇത്തവണ മലപ്പുറം ജില്ലയില് ബി.ജെ.പി. മികച്ച മുന്നേറ്റം നടത്തുമെന്നും മലപ്പുറത്തും, പൊന്നാനിയിലും ഗണ്യമായ വോട്ട്വര്ധന എന്.ഡി.എക്ക് ഉണ്ടാകുമെന്നും ബി.ജെ.പി.ജില്ലാ പ്രസിഡന്റ് കെ.രാമചന്ദ്രന് മംഗളത്തോട് പറഞ്ഞു. കേന്ദ്ര സര്ക്കാറിന്റെ അഴിമതി രഹിത ഭരണം, ജനക്ഷേമ പദ്ധതികള്, ശബരിമല വിഷയം തുടങ്ങിയവ ബി.ജെ.പിക്ക് ഗുണം ചെയ്തിട്ടുണ്ടെന്നും ഇവയെല്ലാം ഫലംവരുമ്പോള് വ്യക്തമാകുമെന്നും രാമചന്ദ്രന് പറഞ്ഞു. അതേ സമയം രണ്ടു മണ്ഡലങ്ങളിലും മത്സരിച്ച എസ്.ഡി.പി.ഐയും ഇത്തവണ മൂന്തവണത്തേക്കാള് വോട്ടുനേടുമെന്ന പ്രതീക്ഷയിലാണ്. ഇരുമണ്ഡലങ്ങളിലും മത്സരിച്ച പി.ഡി.പി.യും ശുഭാപ്തി വിശ്വാസത്തിലാണ്.
കൂടുതല് പോളിങ് കൊണ്ടോട്ടിയില്
കുറവ് വേങ്ങരയില്
അന്തിമ കണക്ക് പ്രകാരം ലോക്സഭാ തെരഞ്ഞെടുപ്പില് മലപ്പുറം മണ്ഡലത്തില് 75.37 ശതമാനവും പൊന്നാനി മണ്ഡലത്തില് 74.98 ശതമാനവും പോളിങ് രേഖപ്പെടുത്തി. മലപ്പുറം ലോക്സഭാ മണ്ഡലത്തില് ഏറ്റവും കൂടുതല് പോളിങ് രേഖപ്പെടുത്തിയത് കൊണ്ടോട്ടി മണ്ഡലത്തിലാണ്. 78 ശതമാനം. ഏറ്റവും കുറവ് പോളിങ് രേഖപ്പെടുത്തിയത് വേങ്ങര മണ്ഡലത്തിലാണ്. 71.88 ശതമാനം.
പൊന്നാനി മണ്ഡലത്തില് ഏറ്റവും കൂടുതല് പോളിങ് നടന്നത് താനൂര് മണ്ഡലത്തിലാണ്. 77 ശതമാനം പോളിങാണ് രേഖപ്പെടുത്തിയിരിക്കുന്നത്. ഏറ്റവും കുറവ് പോളിങ് നടന്നിരിക്കുന്നത് പൊന്നാനി നിയോജക മണ്ഡലത്തിലാണ്. 71.86 ശതമാനം മാത്രമാണ് പൊന്നാനി മണ്ഡലത്തില് രേഖപ്പെടുത്തിയിട്ടുള്ളത്.
ലോക്സഭാ മണ്ഡലം, അസംബ്ലി മണ്ഡലങ്ങളിലെ മൊത്തം വോട്ടര്മാര്, പോള് ചെയ്തത്, വോട്ടിങ് ശതമാനം എന്നിവ ക്രമത്തില്
വയനാട് മണ്ഡലം
അസംബ്ലി മണ്ഡലം
മൊത്തം വോട്ടര്മാര്
പോള് ചെയ്തത്
വോട്ടിങ് ശതമാനം
മലപ്പുറം മണ്ഡലം-75.37
അസംബ്ലി മണ്ഡലം
മൊത്തം വോട്ടര്മാര്
പോള് ചെയ്തത്
വോട്ടിങ് ശതമാനം
കൊണ്ടോട്ടി
196486
153478
78.11
മഞ്ചേരി
197700
151242
76.5
പെരിന്തല്മണ്ണ
203676
150150
73.55
മങ്കട
203148
149405
73.54
മലപ്പുറം
204054
156847
76.87
വേങ്ങര
176369
126770
71.88
വള്ളിക്കുന്ന്
188445
145410
77.16
പൊന്നാനി മണ്ഡലം-74.98
അസംബ്ലി മണ്ഡലം
മൊത്തം വോട്ടര്മാര്
പോള് ചെയ്തത്
വോട്ടിങ് ശതമാനം
തിരൂരങ്ങാടി
189026
141540
74.88
താനൂര്
181720
139922
77
തിരൂര്
213689
160344
75.04
കോട്ടക്കല്
205370
155538
75.74
തവനൂര്
189436
141207
74.54
പൊന്നാനി
193719
139214
71.86
തൃത്താല
183448
139050
75.08
RECENT NEWS
മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണം; കേരളാ പത്രപ്രവര്ത്തക യൂണിയന്
മലപ്പുറം: മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണമെന്നു കേരളാ പത്രപ്രവര്ത്തക യൂണിയന് ജില്ലാ സമ്മേളനം ആവശ്യപ്പെട്ടു. പത്രപ്രവര്ത്തക പെന്ഷന് അപേക്ഷകളിലെ കാലതാമസം ഒഴിവാക്കാന് ഉദ്യോഗസ്ഥ തലത്തിലെ അലംഭാവം [...]
