കൂടിക്കാഴ്ച്ച, ലീഗ് നേതാക്കള് സഹായം ആവശ്യപെട്ടതായി എസ്.ഡി.പി.ഐ
മലപ്പുറം: മുസ്ലിംലീഗ് ദേശീയ ജനറല് സെക്രട്ടറിയും മലപ്പുറം ലോക്സഭാ മണ്ഡലം സ്ഥാനാര്ഥിയുമായ പി കെ കുഞ്ഞാലിക്കുട്ടി, പൊന്നാനി മണ്ഡലം യുഡിഎഫ് സ്ഥാനാര്ഥി ഇ ടി മുഹമ്മദ് ബഷീര് എന്നിവര് കഴിഞ്ഞ ദിവസം പോപ്പുലര് ഫ്രണ്ട് സംസ്ഥാന പ്രസിഡന്റ് നസറുദ്ദീന് എളമരവുമായി കൂടിക്കാഴ്ച നടത്തിയെന്ന വാര്ത്ത സ്ഥിരീകരിച്ച് എസ്ഡിപിഐ.
ചര്ച്ച നടത്തിയെന്ന് എസ്ഡിപിഐ സംസ്ഥാന പ്രസിഡന്റ് അബ്ദുല് മജീദ് ഫൈസി പറഞ്ഞു. ലീഗ് നേതാക്കള് തങ്ങളോട് സഹായം ആവിശ്യപെട്ടതായി അബ്ദുല് മജീദ് ഫൈസി പറഞ്ഞു . പൊന്നാനിയില് സഹകരിച്ചു പ്രവര്ത്തിക്കാനാണ് ആവശ്യപെട്ടത്.
കൊണ്ടോട്ടി തുറക്കലിലെ കെടിഡിസിയുടെ ഹോട്ടല് ടാമറിന്ഡിലാണ് രാത്രി ഒരുമണിക്കൂറോളം ചര്ച്ച നടത്തിയത്. ചര്ച്ചക്ക് ശേഷം ഇ ടി മുഹമ്മദ് ബഷീറും നസറുദ്ദീന് എളമരവും പുറത്തേക്ക് പോകുന്ന വീഡിയോ ആണ് പുറത്തുവന്നത്. കൂടികാഴ്ചയോട് എതിര്പ്പുള്ള ഒരു വിഭാഗം പ്രവര്ത്തകരാണ് വീഡിയോ പുറത്തുവിട്ടതെന്നാണ് പറയപ്പെടുന്നത്.
അതേസമയം ലീഗ് – എസ്ഡിപിഐ ഭാരവാഹികളുമായി ചര്ച്ച നടത്തിയെന്ന വാര്ത്ത ഇ ടി മുഹമ്മദ് ബഷീര് നിഷേധിച്ചു. കെടിഡിസി ഹോട്ടലില് വച്ച് തീര്ത്തും യാദൃശ്ചികമായി പോപ്പുലര് ഫ്രണ്ട് നേതാക്കളെ കണ്ടുമുട്ടുക മാത്രമായിരുന്നു സംഭവിച്ചതെന്നും ബഷീര് പറഞ്ഞു. എസ്ഡിപിഐയുമായി ചര്ച്ച ചെയ്യേണ്ട കാര്യം ലീഗിനില്ലെന്നും ബഷീര് വ്യക്തമാക്കി.
RECENT NEWS
വിവാഹാഭ്യർഥന നിരസിച്ച യുവതിയെ മലപ്പുറം നഗരമധ്യത്തിൽ കുത്തി പരിക്കേൽപിച്ചു യുവാവ്
മലപ്പുറം: വിവാഹാഭ്യര്ത്ഥന നിരസിച്ചതിന് യുവതിയെ യുവാവ് കുത്തിപ്പരിക്കേല്പ്പിച്ചു. ഇന്ന് രാവിലെ 9.15ന് മലപ്പുറം പെന്ഷന് ഭവന് റോഡിലാണ് ആക്രമണം നടന്നത്. സംഭവ ശേഷം ബൈക്കില് രക്ഷപ്പെട്ട പ്രതിയായ പാലക്കാട് നല്ലേപ്പിള്ളി സ്വദേശി 25കാരനായ അശ്വിനായി [...]
