വിദ്യാര്ഥിനിയെ ലൈംഗികമായി പീഡിപ്പിക്കാന് ശ്രമിച്ച കേസില് യുവാവ് അറസ്റ്റില്
മലപ്പുറം: വിദ്യാര്ഥിനിയെ ലൈംഗികമായി പീഡിപ്പിക്കാന് ശ്രമിച്ച കേസില് യുവാവ് അറസ്റ്റില്. കാളികാവ് ഈനാദി സ്വദേശി നമ്പന് ഷഫീഖിനെ (26)യാണ് പെരിന്തല്മണ്ണ ഡിവൈഎസ്പി മോഹനചന്ദ്രന്റെ നേതൃത്വത്തില് കരുവാരക്കുണ്ട് എസ്ഐ പി ജ്യോതീന്ദ്രകുമാറും സംഘവും അറസ്റ്റ് ചെയ്തത്. 2016 ജൂലൈ 12നാണ് കേസിനാസ്പദമായ സംഭവം. സ്കൂള്വിട്ട് വീട്ടിലേക്ക് മടങ്ങുകയായിരുന്ന വിദ്യാര്ഥിനിയെ ആളൊഴിഞ്ഞ സ്ഥലത്തുനിന്ന് പീഡിപ്പിക്കാന് ശ്രമിച്ച കേസിലാണ് നമ്പന് ഷഫീഖ് അറസ്റ്റിലായത്. സംഭവത്തിനുശേഷം ഡല്ഹിയിലെത്തിയ പ്രതി രണ്ടര വര്ഷത്തിന് ശേഷം സ്വമേധയാ ഹാജരാവുകയായിരുന്നു. ഡല്ഹി, ആന്ധ്രപ്രദേശ്, കര്ണാടക തുടങ്ങിയ സംസ്ഥാനങ്ങളില് മുങ്ങിനടന്ന പ്രതി മൊബെല് ഫോണ് ഉപയോഗിക്കാത്തതും നാട്ടില് ആരുമായി ബന്ധപ്പെടാഞ്ഞതുമാണ് പൊലീസിനെ കുഴക്കിയത്. പ്രതിയുടെ ജ്യേഷ്ഠ സഹോദരനെ ചോദ്യംചെയ്തതില്നിന്നാണ് പൊലീസിന് വ്യക്തമായ സൂചന ലഭിച്ചത്. തുടര്ന്ന് പിടിക്കപ്പെടുമെന്ന് തിരിച്ചറിഞ്ഞ പ്രതി വെള്ളിയാഴ്ച രാവിലെ പെരിന്തല്മണ്ണ കോടതിയില് ഹാജരായി. എം പി മോഹനചന്ദ്രന് ഇയാളെ കസ്റ്റഡിയില് വാങ്ങുകയും കരുവാരക്കുണ്ട് എസ്ഐ പി ജ്യോതീന്ദ്രകുമാറിന്റെ നേതൃത്വത്തില് സംഭവസ്ഥലത്തെത്തിച്ച് തെളിവെടുപ്പ് നടത്തുകയുംചെയ്തു. പിതാവ് മരണപ്പെട്ടിട്ടും പ്രതി നാട്ടില് വന്നില്ലായിരുന്നു. നാട്ടില്നിന്ന് മുങ്ങിയ പ്രതി ബംഗളൂരു, ഹൈദരബാദ് എന്നിവിടങ്ങളില് ജോലിചെയ്തിരുന്നു. സ്ഥാപന ഉടമകള്ക്ക് സംശയം ഇല്ലാതിരിക്കാന് ഇടയ്ക്കിടെ നാട്ടിലേക്കാണെന്ന് പറഞ്ഞ് കോട്ടയത്തെത്തി മടങ്ങാറായിരുന്നു പതിവ്. ശനിയാഴ്ച പ്രതിയെ കോടതിയില് ഹാജരാക്കും.
RECENT NEWS
സ്ത്രീത്വത്തെ അപമാനിച്ച സി പി എം തെന്നല പഞ്ചായത്ത് മെംബറെ പുറത്താക്കണം- എ പി അനിൽകുമാർ
മലപ്പുറം: തെന്നല പഞ്ചായത്തിലെ സിപിഎം ലോക്കൽ കമ്മിറ്റി മുൻ സെക്രട്ടറിയും പഞ്ചായത്തിലേക്ക് തെരഞ്ഞെടുക്കപ്പട്ടെ വ്യക്തിയുമായ സെയ്തലവി മജീദിന്റെ വിദ്വേഷ പ്രസംഗം സ്ത്രീ വിരുദ്ധവും അങ്ങേയറ്റം മനുഷ്യത്വവിരുദ്ധമാണെന്ന് കെപിസിസി വർക്കിംഗ് പ്രസിഡൻറ് എ പി [...]
