പാദസ്വരം വാങ്ങാന്‍ മൂന്നുവര്‍ഷമായി സ്വരൂപിച്ച നാണയ തുട്ടുകള്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി മലപ്പുറത്തെ നാലാം ക്ലാസ്സുകാരി
വേങ്ങര: തനിക്കേറെ ഇഷ്ടപ്പെട്ടപാദസരം വാങ്ങാന്‍ മൂന്നു വര്‍ഷമായി സ്വരൂപിച്ച നാണയ തുട്ടുകള്‍ അടങ്ങിയ ഹുണ്ടിക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി നാലാം ക്ലാസ്സുകാരിയും ദുരിതാശ്വാസ പ്രവര്‍ത്തനത്തില്‍ പങ്കാളിയായി. നാട്ടിലുണ്ടായ പ്രളയത്തിന്റെ കാഠിന്യവും സഹജീവികള്‍ നേരിട്ട ദൈന്യതയും പത്ര, ദൃശ്യമാധ്യമങ്ങളിലൂടെ വായിച്ചും, കണ്ടു മറിഞ്ഞാണ് തന്റെ സ്വന്തമായ പാദസരമെന്ന സ്വപനം മററുള്ളവര്‍ക്കായി മാറ്റിവെക്കാന്‍ ഈ കുഞ്ഞിനെ പ്രേരിപ്പിച്ചത്. കച്ചേരിപ്പടി പറഞ്ചേരി കുഞ്ഞീതു ട്ടിയുടേയും റുക്കിയയുടേയും മകള്‍ തെസ്‌നിയയാണ് എ എംഎല്‍പി സ്‌കൂള്‍ വലിയോറ നോര്‍ത്ത് ല്‍ നടന്ന ചടങ്ങില്‍ ക്ലാസ്സ് അധ്യാപകന്‍ കെ പി പ്രജീഷിന് ഹുണ്ടിക കൈമാറിയത്.പഞ്ചായത്ത് മെമ്പര്‍മാരായ പി അച്ചുതന്‍, പി അഷറഫ്, കെ അബ്ദുറഹിമാന്‍ എന്നിവര്‍ സംസാരിച്ചു
RECENT NEWS
പൊന്നാനി മണ്ഡലത്തിൽ എൽ ഡി എ വികസന രേഖ പുറത്തിറക്കി
തിരൂർ : പൊന്നാനി മണ്ഡലത്തിന്റെ സമഗ്ര വികസനം മുന്നോട്ട് വെച്ച് എൻഡിഎ വികസന രേഖ പുറത്തിറക്കി. വിദ്യാഭ്യാസ മേഖലയ്ക്കും, കാർഷിക, തീരദേശ മേഖലകൾക്ക് വികസന രേഖ പ്രത്യേക പരിഗണന നൽകുന്നുണ്ട്. ഗുരുവായൂർ റെയിൽവെ പാത വികസനം, മഴവെള്ള സംഭരണ പദ്ധതികൾ, മാലിന്യ [...]
