മലപ്പുറം ജില്ലയില്‍ നാളെ വിദ്യാഭ്യാസ സ്ഥാപനങ്ങള്‍ക്ക് അവധി
മലപ്പുറം: കനത്ത മഴയെത്തുടര്‍ന്ന് ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് കലക്ടര്‍ അമിത് മീണ നാളെ അവധി പ്രഖ്യാപിച്ചു. പ്രൊഫഷണല്‍ കോളേജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്കാണ് അവധി. അങ്കണവാടികള്‍ക്കും, മദ്രസകള്‍ക്കും അവധി ബാധകമാണ്.
കനത്ത മഴയെ തുടര്‍ന്ന് ജില്ലയില്‍ നാളെയും റെഡ് അലര്‍ട്ട് പ്രഖ്യാപിച്ചിരിക്കുകകയാണ്. ജില്ലയുടെ ഒട്ടേറെ പ്രദേശങ്ങള്‍ വെള്ളത്തിനടിയിലാണ്. ഒട്ടേറെ വീടുകളും, സ്ഥാപനങ്ങളും വെള്ളത്തിനടിയിലായി. കാലവര്‍ഷം ജില്ലയുടെ വിവിധ ഭാഗങ്ങളില്‍ ശക്തി പ്രാപിച്ച് വരികയാണ്. കിഴക്കന്‍ മേഖലയില്‍ ഇപ്പോഴും മണ്ണിടിച്ചില്‍, ഉരുള്‍പൊട്ടല്‍ ഭീഷണി നിലനില്‍ക്കുന്നുണ്ട്. ചാലിയാര്‍, കരുവാരക്കുണ്ട് മേഖലകളില്‍ കൂടുതല്‍ കുടുംബങ്ങള്‍ ദുരിതാശ്വാസ ക്യാംപിലേക്ക് മാറി കഴിഞ്ഞു.
ജില്ലയിലെ മഴക്കാല ദുരിതം നേരിട്ട മേഖലകള്‍ നാളെ സുരേഷ് ഗോപി എം പി സന്ദര്‍ശിക്കും. കരുവാരക്കുണ്ട്, നിലമ്പൂര്‍ മേഖലകളിലാണ് സന്ദര്‍ശനം.
RECENT NEWS
സുഹൃത്തിന് ഗൂഗിൾ ലൊക്കേഷൻ അയച്ച് കൊടുത്തതിന് പിന്നാലെ യുവാവ് മരിച്ച നിലയിൽ
കുറ്റിപ്പുറം: കൂട്ടുകാരന് ഗൂഗിൾ ലൊക്കേഷൻ അയച്ചുകൊടുത്ത് യുവാവ് ആത്മഹത്യ ചെയ്തു. മാറഞ്ചേരി കാഞ്ഞിരമുക്ക് പമ്പ് ഹൗസിനടുത്തുള്ള പടന്നവളപ്പിൽ ബാലകൃഷ്ണന്റെ മകൻ രതീഷ് (28) ആണ് മരണപ്പെട്ടത്. കുറ്റിപ്പുറം തിരൂർ റോഡിൽ ചെമ്പിക്കലിൽ ബാറിന് പുറകിലുള്ള [...]
