ശക്തമായ മഴ: കലക്ടര് മുന്നറിയിപ്പും നിര്ദ്ദേശങ്ങളും നല്കി
മലപ്പുറം: മലപ്പുറം ജില്ലയില് ശക്തമായ മഴ തുടരുന്ന സാഹചര്യത്തില് കലക്ടര് മുന്നറിയിപ്പും നിര്ദ്ദേശങ്ങളും നല്കി.
കലക്ടര്നല്കിയ കുറിപ്പ് താഴെ:
കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പിന്റെ വെളിച്ചത്തില്, ഈ മുന്നറിയിപ്പ് ശ്രദ്ധയോടെ കണക്കാക്കണം. തുടര്ച്ചയായി മഴ ലഭിച്ചതിനാല്, പെട്ടന്നുള്ള ശക്തമായ മഴ വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവയ്ക്ക് കാരണമാകാം.
1. ഉരുള്പൊട്ടല് സാധ്യത ഉള്ളതിനാല് മലയോരമേഖലയിലേക്കുള്ള യാത്ര പരിമിതപെടുത്തുവാന് പൊതുജനങ്ങള് ശ്രദ്ധിക്കണം.
2. ബീച്ചുകളില് കടലില് ഇറങ്ങാതിരിക്കുവാന് പൊതുജനങ്ങള് ശ്രദ്ധിക്കണം.
3. പുഴകളിലും തോടുകളിലും ജല നിരപ്പ് ഉയരുവാന് സാധ്യതയുണ്ട്. പുഴകളിലും, ചാലുകളിലും, വെള്ളകെട്ടിലും ഇറങ്ങാതിരിക്കുവാന് പൊതുജനങ്ങള് ശ്രദ്ധിക്കണം.
4. മലയോര മേഖലയിലെ റോഡുകള്ക്ക് കുറുകെ ഉള്ള ചെറിയ ചാലുകളിലൂടെ മലവെള്ള പാച്ചിലും ഉരുള്പൊട്ടലും ഉണ്ടാകുവാന് സാധ്യതയുണ്ട് എന്നതിനാല് ഇത്തരം ചാലുകളുടെ അരികില് വാഹനനങ്ങള് നിര്ത്താതിരിക്കുവാന് പൊതുജനങ്ങള് ശ്രദ്ധിക്കണം.
5. മരങ്ങള്ക്ക് താഴെ വാഹനം പാര്ക്ക് ചെയ്യാതിരിക്കുവാന് പൊതുജനങ്ങള് ശ്രദ്ധിക്കണം.
6. ഉരുള്പൊട്ടല് സാധ്യത ഉള്ള മലയോര മേഖലയിലെ ജനങ്ങള് ജാഗരൂകരായിരിക്കണം എന്ന് അഭ്യര്ത്ഥിക്കുന്നു.
7. ഉദ്യോഗസ്ഥര് അവശ്യപ്പെട്ടാല് മാറി താമസിക്കുവാന് മടി കാണിക്കരുത് എന്ന് പൊതുജനങ്ങളോട് അഭ്യര്ത്ഥിക്കുന്നു.
8. പരിശീലനം സിദ്ധിച്ച സന്നദ്ധ പ്രവര്ത്തകര് അല്ലാതെയുള്ളവര് വെള്ളപ്പൊക്കം, ഉരുള്പൊട്ടല് എന്നിവ ബാധിച്ച സ്ഥലങ്ങളിലേക്കുള്ള സന്ദര്ശനം ഒഴിവാക്കുക.
9. കുട്ടികള് പുഴകളിലും തോടുകളിലും വെള്ളകെട്ടിലും ഇറങ്ങി കളിക്കുന്നില്ല എന്ന് മാതാപിതാക്കള് ഉറപ്പ് വരുത്തണം
RECENT NEWS
പൊന്നാനി മണ്ഡലത്തിൽ എൽ ഡി എ വികസന രേഖ പുറത്തിറക്കി
തിരൂർ : പൊന്നാനി മണ്ഡലത്തിന്റെ സമഗ്ര വികസനം മുന്നോട്ട് വെച്ച് എൻഡിഎ വികസന രേഖ പുറത്തിറക്കി. വിദ്യാഭ്യാസ മേഖലയ്ക്കും, കാർഷിക, തീരദേശ മേഖലകൾക്ക് വികസന രേഖ പ്രത്യേക പരിഗണന നൽകുന്നുണ്ട്. ഗുരുവായൂർ റെയിൽവെ പാത വികസനം, മഴവെള്ള സംഭരണ പദ്ധതികൾ, മാലിന്യ [...]