പ്രതിഷേധങ്ങള്‍ക്കൊടുവില്‍ അരീതോട് സര്‍വെ പൂര്‍ത്തിയാക്കി
തിരൂരങ്ങാടി: ഇരകളുടെ വലിയ പ്രതിഷേധങ്ങള്‍ക്കൊടുവില്‍ എ.ആര്‍ നഗര്‍ അരീതോട് ദേശീയ പാത സ്ഥലമെടുപ്പുമായി ബന്ധപ്പെട്ട രണ്ടാം ഘട്ട സര്‍വെ പൂര്‍ത്തിയാക്കി. ഇന്നലെ ഉച്ചക്ക് ശേഷം ഡെപ്യൂട്ടി കലക്ടര്‍ ജെ.ഒ അരുണ്‍ കുമാറിന്റെ നേതൃത്വത്തില്‍ വലിയ പോലീസ് സന്നാഹവുമായെത്തിയാണ് സര്‍വെ പൂര്‍ത്തിയാക്കിയത്. ചൊവ്വാഴ്ച്ച സര്‍വെ നടത്തുന്നതിനായി എത്തിയവരെ പ്രദേശത്ത് കിടപ്പാടവും സ്ഥലവം നഷ്ടപ്പെടുന്നവര്‍ തടഞ്ഞു മടക്കി അയച്ചിരുന്നു. ഇതിനെ തുടര്‍ന്നാണ് വലിയ പോലീസ് സാനിധ്യത്തില്‍ മൂന്ന് സര്‍വെ ടീമുകളായി സര്‍വെ പൂര്‍ത്തിയാക്കിയത്. ഇരകളുടെ പ്രതിഷേധം വകവെക്കാതെ അരീതോടിലെ ഒരു കിലോമീറ്ററിലതികം സ്ഥലവും ഇന്നലെ തന്നെ സര്‍വെ പൂര്‍ത്തിയാക്കി.
തിരൂരങ്ങാടി താലൂക്കിലെ സ്ഥലമളവ് ഒരാഴ്ച്ചക്കം പൂര്‍ത്തിയാക്കുമെന്നും ത്രീഡി വിജ്ഞാപനം ജൂലൈ 15 ഓടെ ഉണ്ടാകുമെന്നും ഡെപ്യൂട്ടി കലക്ടര്‍ ജെ.ഒ അരുണ്‍ കുമാര്‍പറഞ്ഞു.
RECENT NEWS
സുഹൃത്തിന് ഗൂഗിൾ ലൊക്കേഷൻ അയച്ച് കൊടുത്തതിന് പിന്നാലെ യുവാവ് മരിച്ച നിലയിൽ
കുറ്റിപ്പുറം: കൂട്ടുകാരന് ഗൂഗിൾ ലൊക്കേഷൻ അയച്ചുകൊടുത്ത് യുവാവ് ആത്മഹത്യ ചെയ്തു. മാറഞ്ചേരി കാഞ്ഞിരമുക്ക് പമ്പ് ഹൗസിനടുത്തുള്ള പടന്നവളപ്പിൽ ബാലകൃഷ്ണന്റെ മകൻ രതീഷ് (28) ആണ് മരണപ്പെട്ടത്. കുറ്റിപ്പുറം തിരൂർ റോഡിൽ ചെമ്പിക്കലിൽ ബാറിന് പുറകിലുള്ള [...]
