ജന്‍ ശിക്ഷണ്‍ സന്സ്ഥാന് മലപ്പുറത്തിന് ദേശീയ അംഗീകാരം
നിലമ്പൂര്‍: ജന്‍ ശിക്ഷണ്‍ സന്സ്ഥാന് (ജെ എസ് എസ്) മലപ്പുറം യൂണിറ്റിന് ദേശീയ തലത്തില്‍ വീണ്ടും അംഗീകാരം. ന്യൂഡല്‍ഹി ആസ്ഥാനമായ ഇന്ത്യന്‍ അഡല്‍റ്റ് എഡ്യുക്കേഷന്‍ അസോസിയേഷന്റെ ടാഗോര്‍ ലിറ്ററസി അവാര്‍ഡാണ് ജന്‍ ശിക്ഷന്‍ സന്സ്ഥാന് ലഭിച്ചത്. ഓര്‍ഗനൈസേഷന്‍ നടത്തുന്ന സാക്ഷരത പ്രവര്‍ത്തനങ്ങള്‍ക്കും, മുതിര്‍ന്നവരുടെ വിദ്യാഭ്യാസ-തൊഴില്‍ നൈപുണ്യ പരിശീലന പ്രവര്‍ത്തനങ്ങള്‍ക്കുമുള്ള അംഗീകാരമാണ് അവാര്‍ഡെന്ന് ഭാരവാഹികള്‍ അറിയിച്ചു.
ജൂലൈ അവസാന ആഴ്ച ന്യൂ ഡല്‍ഹിയില്‍ നടക്കുന്ന ചടങ്ങില്‍ ഉപരാഷ്ട്രപതി വെങ്കയ്യ നായിഡു അവാര്‍ഡുകള്‍ കൈമാറും. ജെ എസ് എസ് കഴിഞ്ഞ പന്ത്രണ്ട് വര്‍ഷത്തോളമായി ജില്ലയില്‍ നടത്തി വരുന്ന പ്രവര്‍ത്തനങ്ങള്‍ അംഗീകരിക്കപ്പെടുന്നതില്‍ സന്തോഷമുണ്ട്. ഇത് കൂടുതല്‍ ആത്മവിശ്വാസത്തോടെ പദ്ധതികള്‍ മുന്നോട്ട് കൊണ്ടുപോകാന്‍ സഹായിക്കും. പി വി അബ്ദുല്‍ വഹാബ് എം പിയുടെ നേതൃത്വത്തില്‍ നടത്തുന്ന പ്രവര്‍ത്തനങ്ങള്‍ വഴി ഇതുവരെ ഏകദേശം 50,000 ത്തോളം ആളുകള്‍ക്ക് തുല്യതാ വിദ്യാഭ്യാസവും, തൊഴില്‍ നൈപുണ്യവും പകര്‍ന്ന് നല്‍കിയെന്ന് ജെ എസ് എസ് മലപ്പുറം ജില്ലാ ഡയറക്ടര്‍ വി ഉമ്മര്‍കോയ പറഞ്ഞു.
ഐക്യരാഷ്ട്ര സംഘടനയുടെ കീഴിലുള്ള യുണെസ്‌കോ ഏര്‍പ്പെടുത്തിയ കണ്‍ഫ്യൂഷ്യസ് ലിറ്ററസി അവാര്‍ഡ്, കേന്ദ്ര സര്‍ക്കാരിന്റെ സാക്ഷര്‍ ഭാരത് അവാര്‍ഡ് എന്നിവയും ജെ എസ് എസ് സ്വന്തമാക്കിയിട്ടുണ്ട്. കേന്ദ്ര സര്‍ക്കാരിന്റെ വിവിധ തൊഴില്‍ നൈപുണ്യ കോഴ്‌സുകളുടേയും, തുടര്‍ വിദ്യാഭ്യാസത്തിന്റെയും നോഡല്‍ ഏജന്‍സി കൂടിയാണ് കേന്ദ്ര മാനവവിഭവ ശേഷി മന്ത്രാലയത്തിന് കീഴില്‍ പ്രവര്‍ത്തിക്കുന്ന ജെ എസ് എസ് മലപ്പുറം.
RECENT NEWS
ഗര്‍ഭിണിയായ യുവതിക്ക് രക്തം മാറി നല്‍കിയ സംഭവം; രണ്ട് ഡോക്ടര്‍മാര്‍ക്കെതിരെ നടപടി
പൊന്നാനി: ഗര്‍ഭിണിയായ യുവതിക്ക് രക്തം മാറി നല്‍കിയ സംഭവത്തില് രണ്ട് താല്കാലിക ഡോക്ടര്‍മാര്‍ക്കെതിരെ നടപടി പൊന്നാനി മാതൃശിശു ആശുപത്രിയില് ആ സമയത്ത് ഡ്യൂട്ടിയിലുണ്ടായിരുന്ന രണ്ടു ഡോക്ടര്മാരെയാണ് അന്വേഷണ വിധേയമായി സസ്പെന്ഡ് ചെയ്തത്. ആരോഗ്യ [...]
