സീരിയല് നടിയുടെ മൃതദേഹംനിലമ്പൂരിലെ വാടക വീട്ടില് കത്തിക്കരിഞ്ഞനിലയില്
നിലമ്പൂര്: സീരിയല് നടിയും ടെലി ഫിലിം സംവിധായികയുമായ യുവതിയെ വീട്ടില് തീപൊള്ളലേറ്റ് മരിച്ച നിലയില് കണ്ടെത്തി. വഴിക്കടവ് സ്വദേശി മേനിയില് വിജയന്റെ മകള് കവിത(28)യെയാണ് നിലമ്പൂര് മുതീരിയിലെ വാടക വീട്ടില് ഞായറാഴ്ച രാവിലെ പത്തരയോടെ കത്തിക്കരിഞ്ഞ നിലയില് കണ്ടത്.
വീട്ടില് നിന്ന് പുകയും ശബ്ദവും കേട്ടതനുസരിച്ച് അയല്ക്കാരാണ് വിവരം പോലീസില് അറിയിച്ചത്. വീട് അകത്ത് നിന്ന് പൂട്ടിയ നിലയിലായിരുന്നു. പോലീസും അഗ്നിരക്ഷാ സേനയുമെത്തി വീടിന്റെ വാതില് തകര്ത്താണ് അകത്ത് കടന്നത്. അപ്പോഴേക്കും പൂര്ണ്ണമായും കത്തിക്കരിഞ്ഞിരുന്നു. ആത്മഹത്യാ കുറിപ്പ് വീട്ടില് നിന്ന് ലഭിച്ചിട്ടുണ്ട്. എന്നെ വേണ്ടാത്ത ഈ ലോകത്ത് നിന്നും ഞാന് പോകുന്നു എന്നാണ് ആത്മഹത്യാകുറിപ്പിലെന്ന് പോലീസ് പറഞ്ഞു. വ്യക്തികളുടെയോ മറ്റോ പേരില്ല. പെട്രോളൊഴിച്ചാണ് ദേഹം കത്തിച്ചതെന്ന് കരുതുന്നു.
നിലമ്പൂര് സി.ഐ. കെ.എം.ബിജുവിന്റെ നേതൃത്വത്തിലുള്ള പോലീസ് ഇന്ക്വസ്റ്റ് നടത്തി പോസ്റ്റ്മോര്ട്ടത്തിനായി കോഴിക്കോട് മെഡിക്കല് കോളേജ് ആസ്പത്രിയിലേക്ക് മാറ്റി. മാതാവ്: കാര്ത്ത്യായനി. ഭര്ത്താവ് പാലക്കാട് സ്വദേശി വിജേഷ്.ഏകമകള് : ചിഞ്ചു
RECENT NEWS
സ്ത്രീത്വത്തെ അപമാനിച്ച സി പി എം തെന്നല പഞ്ചായത്ത് മെംബറെ പുറത്താക്കണം- എ പി അനിൽകുമാർ
മലപ്പുറം: തെന്നല പഞ്ചായത്തിലെ സിപിഎം ലോക്കൽ കമ്മിറ്റി മുൻ സെക്രട്ടറിയും പഞ്ചായത്തിലേക്ക് തെരഞ്ഞെടുക്കപ്പട്ടെ വ്യക്തിയുമായ സെയ്തലവി മജീദിന്റെ വിദ്വേഷ പ്രസംഗം സ്ത്രീ വിരുദ്ധവും അങ്ങേയറ്റം മനുഷ്യത്വവിരുദ്ധമാണെന്ന് കെപിസിസി വർക്കിംഗ് പ്രസിഡൻറ് എ പി [...]
