പ്രൈമറി ഹെല്‍ത്ത് സെന്ററില്‍ കയറി പട്ടാപകല്‍ നഴ്‌സിനെ പീഡിപ്പിച്ച കേസിലെ പ്രതിയെ തിരൂര്‍ പോലീസ് അറസ്റ്റ് ചെയ്തു
പ്രൈമറി ഹെല്‍ത്ത് സെന്ററില്‍ കയറി പട്ടാപകല്‍ നഴ്‌സിനെ പീഡിപ്പിച്ച കേസിലെ പ്രതിയെ തിരൂര്‍ പോലീസ് അറസ്റ്റ് ചെയ്തു. കൂട്ടായി പ്രൈമറി ഹെല്‍ത്ത് സെന്ററിനു സമീപം താമസിക്കുന്ന ഐതുവിന്റെ പുരക്കല്‍ മന്‍സൂര്‍ (23) ആണ് അറസ്റ്റിലായത്. ഇക്കഴിഞ്ഞ 14 ന് രാവിലെ ഒമ്പതോടെയാണ് സംഭവം.
ഹെല്‍ത്ത് സെന്ററിലേക്ക് അതിക്രമിച്ചു കയറിയ മന്‍സൂര്‍ നഴ്‌സിനെ കയറി പിടിച്ച് പീഡിപ്പിക്കാന്‍ ശ്രമിക്കുകയായിരുന്നു. നഴ്‌സിന്റെ പരാതിയില്‍ അന്വേഷണം നടക്കവെ പ്രതി ഒളിവില്‍ പോയി. തുടര്‍ന്ന് പ്രതി നല്‍കിയ മുന്‍കൂര്‍ ജാമ്യാപേക്ഷ കോടതി പരിഗണിച്ചില്ല. വാക്കാട് അങ്ങാടിയില്‍ തിരൂര്‍ എസ്.ഐ സുമേഷ് സുധാകര്‍ ആണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ മന്‍സൂറിനെ റിമാന്റ് ചെയ്തു.
RECENT NEWS
മലപ്പുറം നഗരസഭയുടെ നേതൃത്വത്തിൽ യു എസ് എസ് പരിക്ഷാ പരിശീലനത്തിന് തുടക്കം കുറിച്ചു
മലപ്പുറം: നഗരസഭയുടെ നേതൃത്വത്തിൽ യു.എസ്.എസ്. പരീക്ഷാ പരിശീലന പദ്ധതിക്ക് തുടക്കം കുറിച്ചു.നഗരസഭ പ്രദേശത്തെ സർക്കാർ, എയിഡഡ് മേഖലകളിലെ ഒമ്പത് യു.പി.സ്കൂളുകളിൽ പഠിക്കുന്ന തയാറായ മുഴുവൻ വിദ്യാർത്ഥികൾക്കും പരിശീലന ഫീസ് നഗരസഭ വഹിച്ച് സൗജന്യമായി [...]
