കബ്ബ് & ബുൾബുൾ യൂനിറ്റുകൾ ഉദ്ഘാടനംചെയ്തു

തവനൂര്‍: വിദ്യാർത്ഥികളിൽ രാജ്യസ്നേഹവും പരസ്പരസ്നേഹവും അച്ചടക്കവും ഊട്ടിയുറപ്പിക്കുന്നതിൻറെ ഭാഗമായി കടകശ്ശേരി ഐഡിയൽ ഇൻറർ നാഷണല്‍ കാമ്പസിലെ പ്രൈമറി മോണ്ടിസ്സോറി വിഭാഗത്തിലെ 700 ഓളം വിദ്യാർത്ഥികൾ ഉൾപ്പെട്ട 42 കബ്ബ്&ബുൾബുൾ യൂനിറ്റുകളുടെ ഉദ്ഘാടനം വിദ്യാർത്ഥികൾക്ക് യൂനിഫോമും സ്കാർഫും ധരിപ്പിച്ചു കൊണ്ട് അക്കാദമിക് ഡയറക്ടര്‍ മജീദ്ഐഡിയൽ നിർവഹിച്ചു. നാൽപ്പത്തിരണ്ട് കബ്ബ്&ബുൾബുൾ യൂനിറ്റുകൾക്ക് പുറമെ 20 ബണ്ണീസ് യൂനിറ്റുകളുമുളള രാജ്യത്തെ തന്നെ ആദ്യ സ്കൂളായി മാറുകയാണ് കടകശ്ശേരി ഐഡിയല്‍ ഇൻറർ നാഷണല്‍ സ്കൂള്‍. സ്കൗട്ട്& ഗൈഡ് വിഭാഗത്തിൽ നിലവിലുളള10 യൂനിറ്റുകൾക്ക് പുറമെ 50 യൂനിറ്റുകൾകൂടി നവംബറില്‍ തുടക്കമാകും. ചടങ്ങില്‍ സീനിയര്‍ പ്രിൻസിപ്പാൾ വിടി ജോസഫ് അധ്യക്ഷതവഹിച്ചു. സുപ്രിയ ഉണ്ണികൃഷ്ണൻ, ഹുസൈന്‍ ചേകനൂർ, റംസീന എം, ദീപ്തി കെ എസ് പ്രസംഗിച്ചു.

Sharing is caring!